Breaking
Mon. Apr 15th, 2024

10,000 Bakuna para sa Tourism Frontliners sa Bohol, Gipaabot

Bohol Governor Arthur C. Yap malipayon nga mitaho sa maayong balita nga pinaagi ni DOT Secretary Berna Romulo-Puyat ang Bohol makadawat ug kapin 10,000 nga Covid vaccines alang sa tourism frontliners. (contributed foto)

Mapasalamaton si Bohol Governor Atty. Arthur Yap ngadto kang Department of Tourism (DOT) Sec. Bernadette Romulo-Puyat sa gipasalig nga 10,000 ka mga bakuna nga muabot diri sa Bohol sunod semana para sa mga tourism frontliners atol sa virtual Bohol Tourism Forum nga nahitabo karong adlawa kauban ang mga hingtungdan sa maong sektor.

Mahinomdumang mihangyo si Gob. Yap sa kaulohang kagamhanan para sa dugang nga mga bakuna para sa mga tourism frontliners tumong ang dakong pagpangandam sa pag-abli balik sa maong industriya sa lalawigan.

Sa mensahe ni Sec. Puyat, malaumong sugdan ang pagbakuna sa dili muobos 5,000 ka mga tourism frontliners para ma-protektahan sila batok sa COVID-19 virus. Apil sa bakunahan sa Gamaleya Vaccines o mas nailhan nga Sputnik V ang mga nagtrabaho sa accredited hotels ug resorts, mga transport operators, tour sites ug mga restaurant.

Dako ug pagsalig ang kalim sa turismo sa nasod nga Pilipinas, DOT Sec Berna Romulo-Puyat sa liderato ni Governor Art Yap nga mapalambo ang turismo taliwala sa hulga sa Covid pandemic.

Para ni Gob. Yap, dakong tabang ang gipaabot nga mga bakuna tungod kay dili lamang kini makatabang sa seguridad sa kahimsog sa katawhan apil na ang kaluwasan sa mga turista ug dakong tabang usab kini sa ekonomikanhong aspeto diin mahinomdomang sa kita sa remittance abroad ug sa turismo lamang nagsalig ang probinsya.

Bisan pa sa dakong pagkawala sa numero sa mga turista, nagpabiling usa sa mga nangunang destinasyon ang turismo sa Bohol sa nasud maski pa taliwa sa pandemya. Base kini sa datos sa Kagamhanang Probinsyal diin adunay 200,000 ka mga nagtrabaho sa sektor ang naapektuhan ug nawad-an ug trabaho tungod sa lockdown ug community quarantine.

“Dako ang posibilidad nga mamugna ang mga regional travel bubbles gikan sa ubang destinasyon sa Asya kung malampuson ang pagbakuna sa mga tourism frontliners diri sa Bohol,” dugang ni Sec. Puyat.

Giklaro usab ni Gob. Yap nga unahon ang mga tourism frontliners nga nagtrabaho sa mga establisamento nga nakasiguro sa ilang sertipikasyon gikan sa DOT ug lokal nga tourism seal of excellence sa Bohol o ang Ultimate Bohol Experience o “UBE” Seal.

Dugang sa Gobernador, abli usab ang Kagamhanang Probinsyal para sa mga establisamento nga interasadong mu-donar ug mga bakuna. Gipasalamatan niya si Mr. Henry Chusuey sa Hennan Group diin mipasalig nga mu-donar ug bakuna kung magsugod na usab ang pagbakuna sa iyang mga empleyado.

“Kung sumahon, walay sukaranan ang pagkigbatok sa pandemya. Gikinahanglan gyud nga mangita ug mga bag-ong pamaagi aron masagubang ang maong problema ug mahilayo kita sa peligro dala sa virus. Aduna may mga kakulian sa pagpangita ug pagsuway sa mga bag-ong pamaagi, kini ang sukaran nga kita mipahiangay sa maong krisis ug kini ang gibuhat ni Gob. Arthur Yap karon para magpabiling buhi ang katawhang Bol-anon ug mga bisita uban sa ilang seguridad ug kaluwasan pinaagi sa pag-abli sa sektor sa turismo ubos sa direkta nga mga travel bubbles.”

Related Post

2 thoughts on “10,000 Bakuna para sa Tourism Frontliners sa Bohol, Gipaabot”

Leave a Reply