USA ka mayor nga kauban sa kongresista sa Segundo Distrito sa niaging eleksyon ang karon miila sa buhat, kakugi ug kaayo ni Bohol Governor Arthur Yap.
Nagpasalamat si San Miguel, Bohol Mayor Virgilio Mendez sa mga suporta ug paningkamot ni Yap para sa agrikultura ug ubang inisyatiba sa iyang lungsod.
Usa niini mao ang pagkapili sa iyang lungsod isip benepisyaryo sa rice processing project sa probinsiya kay kini dako na kaayog ikatabang sa mga mag-uuma ug katawhan.
Matud ni Mendez sa iyang suwat ngadto sa gobernador, ang iyang pasalamat kang Yap nagda sa ngan sa tanang katawhan sa San Miguel.
Si Mendez kanhi hepe sa NBI sa nasud ug napili sa pagkamayor uban sa kampo ni Congressman Aris Aumentado kinsa iyang paryente.
Apan namatikdan ang mayor nga tig-uban na sa mga lakaw ni Yap, kinsa igo lang maghatud og ayuda sa kalungsoran ug kabaranggayan ug di tighilabot, tigdaot o tigbulgar sa binuhatan sa uban. (Ven Rebo Arigo)
1 thought on “Paryenteng Mayor Naglikay na ni Aris, Miduyog sa Kalihokan ni Gov. Art”