Sulti ni Cong. Chatto Gituis nasab sa Station dyRD

Wala nag-ingon si Bohol Congressman Edgar Chatto nga “normal lamang nga modawat sa pagsaway gikan sa katawhan” kalabot sa planong pagpalit og mga sakyanan sa probinsiya.

Apan matud sa balita sa radyo (dyRD), kini gisulti kuno sa kongresista, kinsa kanhi gobernador, “human ang Kapitolyo napuno sa pagsaway sa ilang lakang pagpalit og napo’g-upat ka mga bag-ong sakyanan ning pandemya.”

Sa radyo (dyRD Inyong Alagad) gahapon sa buntag, si Chatto gipangutana ug gipakomento kabahin sa service vehicle procurement sa kagamhanang probinsiyal pinaagi sa SP.

Nakasinati na si Chatto sa samang kaguliyang sa dihang nagpalit ang probinsiya og mga sakyanan sa gobernador pa siya kay gikinahanglan sa serbisyo.

Matud niya, “I had been in that forest before. Diha na ko anang lasanga sa una. Dili gyod sayon ang pagbalanse nato anang isyo nga mopalit kag equipment or vehicles.”

Suma sa ulahing kasayuran nga iyang nasayran, ang mga sakyanang paliton sa SP karon iprayoridad ngadto sa mga departamentong nagkinahanglan usab.

“Ang importante ug ang bottom line is—ang mga sakyanan makatabang ba sa pag-enhance sa pagserbisyo. If they give service to the people, then that is the most important,” matud sa kongresista kinsa bise gobernador ug mayor usab kaniadto

Siya nidugang: “Ang service to the people ma-achieve gyod because of a certain program of the government. Well, I think, the justification comes in.”

Taliwa sa pandemya, ang desisyon usa ka “balancing act,” matud ni Chatto kinsa nipasabot kon unsa ba usab kaimportante ang proseso aron makaserbisyo sa hingpit.

Nasabtan sa kongresista ang mga tawo nga kritikal sa gasto ug ekipo kay ang serbisyong direkta kanila maoy ilang tuyo.

Ang mga kritiko, ilabina ang mga kaanib sa pikas nga pulitika, nagsigeg saway ug atake sa vehicle procurement bisag kini gisakripisyo ug ihatag na lang sa SP ngadto sa ubang buhatan nga nagkinahanglan usab nunot sa panerbisyo.

Way iban ug way subra, kini maoy gisulti ni Chatto: “Dili ta matinga nga naay ingon niana nga reaction.”

Ang kritisismo tinuod nga kabahin sa risgo sa public service. Apan dili normal ang pagsigeg saway ug atake, apil ang pagtuis sa kon unsay factual ug truthful, ilabinag ang tumong mao lang ang pagguba sa pamunoan bisag muna-muna niinig paningkamot.

Sama ka-abnormal ang tuyo nga dili ibalita ang dagko ug daghang kaayohang gihimo sa namuno-an kay may pulitikong gidapigan bisag menos og buhat o daghan ang wa buhata.

Giklaro ni Chatto nga sa iyang panahon isip gobernador, “we also bought vehicles because that was the need—to deliver services.
People expect their officials and agencies of government to be in rural areas, in rural communities.”

Iya sab kining gipatin-aw og balik: “Even during the pandemic, the timing of vehicle is based on the need to deliver quick response to the people. Capitol planned this and provided budget years back. They feel it is needed now to effectively serve.”

Ang pamahayag ni Chatto nagdugag katin-awan sa desisyon sa probinsiya nga gibasi sa panginahanglan aron epektibong ikahatud ang daghang serbisyo ning panahon sa pandemya. (Ven Rebo Arigo)