Breaking
Thu. Feb 22nd, 2024

Montero ug Tricycle Nagbangga sa Bien-Unido

Usa ka aksidente sa kadalanan ang nahitabo sa lungsod sa Bien Unido, Bohol kagahapon Agosto 28, 2021 sa alas 2 sa hapon. Kini gilambigitan sa usa ka tricycle ug usa pribadong Montero Sport.

Ang gamaneho sa tricycle giila nga si Cornelio Quimson 48 anyos molopyo sa Purok 5 Poblacion Bien Unido samtang ang pasahero niini giila mao si Dindo Jose Macua Lañojan 20 anyos molopyo sa Purok 7 Poblacion Bien Unido.

Matod sa imbestigasyon sa kapolisan nga ang driver nga si Quimson wala makabantay nga dunay sakyanang Montero sport nga nagparking kilid sa dalan hinungdan nga iya kining nabanggaan.

Tungod sa kakusog sa impact nituyok ang tricycle ug natumba.

Gumikan sab sa impact sa hitabo nabuak ang bildo sa luyo nga bahin sa tricycle ug maoy nakasamad sa liog sa pasahero.

Ang pasahero nga samdan sa liog, gidali pagdala sa Garcia Memorial Hospital sa Talibon apan gideklara kining dead-on-arrival (DOA) ni Dr. Henry Ganub, ang chief of hospital.

Dugang taho niingon nga ang drayber sa tricycle ubos sa impluwensiya sa ilimnong makahubog dihang nagmaneho human kini namista didto sa Brgy. San Agustin, Talibon. (Joan Oripaypay I Bien Unido, Bohol)

Related Post

Leave a Reply