Breaking
Sun. Mar 3rd, 2024

Middlemen Maoy Hinungdan sa Mahal nga Utan sa Bohol

Matod ni Cylwin Bomediano, chairman sa Bol-anon Bantay Presyo – usa ka advocacy group nga bag-o pa lang natukod aron pagbantay sa mga negosyante nga nipaburot pag-ayo sa presyo sa ilang mga baligya, grabe ang patong sa mga middlemen.

Matod ni Bomediano sa programang Kwentas Klaras sa DYTR Bohol kagahapon nga ang Ampalaya (paliya) nga gibaligya sa merkado sa Tagbilaran og tag P180 ang kilo karon, gipalit lang diay og P35 matag kilo didto sa Bukidnon.

Kini kalima pil-on ang ilang patong sa presyo sa ilang pagpalit gikan sa supplier.

Sa miaging semana, ang sili nga kulikot tag P1k ang kilo samtang ang sibuyas Bombay tag P400-P500 ang kilo.

Pagpananum sa kaugalingong nataran sa balay maghatod kasulbaran sa supply sa gulay.

Matod ni Bomediano nga maong gihagit nila ang taga Dept. of Agriculture, DTI ug ang PNP ug NBI, nga sampolan gyud nila ang pagpanakop.

Gumikan niini, ang grupo ni Bomediano nihukom nga sila maoy mamalit og utanon didto sa Bukidnon ug silay moapod-apod niini sa kamerkadohan sa Bohol.

Ugma gitakda nga dunay moabot nga 2 ka container van nga puno sa lain-laing utanon gikan sa Cagayan de Oro ug ila kining i-distribute sa kalungsoran pinaagi sa ilang mga contacts.

Ang presyo nga gipagawas sa DA-7 niadtong Disyembre 23, 2021, maoy ilang himoong basihanan sa presyo sa pagpamaligya sa merkado, pasabot ni Bomediano. – Weng Vallecer dyTR Bohol

Related Post

Leave a Reply