Breaking
Wed. Feb 21st, 2024

Butuan Doctors Gipangkapoy Na Sa Ilang Trabaho

BUTUAN CITY – Nanawagan karon ang pamunuan sa Butuan Doctors Hospital sa publiko sa suporta ug kooperasyon sa tanan karon nga nag atubang sa pandemya ang nasud. Sa Facebook post sa Butuan Doctors Hospital pinaagi ni Dr. Maria Chiara Estacio, Hospital Administrator, gibutyag niini nga gipangkapoy na ang mga health care workers ug nasakit na sab ang ubang mga doctors ug nurses.

Ning bag o lang sobra gatus ang kumpirmadong kaso sa Covid-19 sa dakbayan sa Butuan. Gani, puno na ang Butuan Doctors Hospital sukad pa miaging semana. Miabot sab sa sobra trainta ang mga naghulat nga maadmit. Admitado si Dr. Estacio nga mitaas ang consumption sa paggamit og oxygen sama sa ubang hospital tungod nagkadaghan ang mga pasyente labina ang mga kritikal nga kaso.

Panawagan sa mga doctor sa Butuan City.

Gawas sa Butuan Doctors Hospital, puno na sab ang ubang mga ospital sama sa Butuan Medical Center, Agusan del Norte Provincial Hospital ug Manuel J. Santos Hospital.

Busa, gihangyo ang kooperasyon ug pagbuhat sa parte sa matag usa aron nga mabatukan ang pagkanat sa Covid-19 virus.

Striktong sundon ang mga minimum health protocols sama sa pagsuot og facemask ug faceshield, pagsunod sa physical distancing ug kung mahimu magpuyo lang sa inyong mga balay.

(Photo courtesy: Butuan Doctors Hospital, Paul Pelos, Dr. Fatima Liboon)

Related Post

Leave a Reply