DYTR REPORT – Nunot sa nagsaka nga ihap sa aktibong kaso sa covid-19 dinhi sa lalawigan sa Bohol ang lungsod sa Jagna nagpatuman ug granular lockdown sa ang usa ka barangay nga giilang hot spot sa covid-19.
Sugod karong adlawa petsa Hunyo 17 hangtod sa petsa Hunyo 19 adlaw nga Sabado ipa ilawom sa Extensive General Community Quarantine kun EGCQ ang barangay Canjulao sa lungsod sa Jagna kini human giilang hot spot sa aktibong kaso sa covid-19.
Giawhag ang mga katawhan sa pagkooperar sa maong kalihukan tungod Kay kaayohan sa kadaghan aron kapugngan ang pagkuyanap sa covid-19.
Ang mga molopyo sa barangay Canjulao gipabalik ang pagamit sa quarantine pass ug gilimitahan ang mga lihok niini.
Samtang gidili ang pagsulod sa mga dili molopyo sa maong barangay.
Hinoon adunay gitugotan nga moagi paingon sa mga bukirang barangay sa lungsod nga dili kinahanglanon ang pag hapit hapit niini. Kining maong lakang gi-uyonan sa mga barangay opisyal sa Canjulao.
Buot sa lokal nga pangamhanan sa lungsod sa Jagna pinangulohan ni mayor Joseph Rañola ug ang municipal health officer nga si Dr. Arnold Cagulada nga mas maayo nga masayo ang implementasyon sa pag pugong sa pagkuyap sa virus ug pagsaka sa ihap sa aktibong kaso sa covid-19 dili angay magpaabot nga mas mosaka pa ang kaso una mohimo ug mga lakang ang lokal nga pangamhanan kini gihimo alang sa preventive measure nga mapugngan ang pagkuyanap sa maong virus.
Susama sa nahitabo sa ubang mga lungsod nga paspas ang pagsaka sa kaso sa covid-19.
Hinoon ang lungsod sa Jagna adunay aktibong kaso sa pagka Karon nakatala kini ug walo ka aktibong kaso ug ang barangay Canjulao kinsa giila nga hot spot maoy gipailawom sa granular lockdown. (Cesar Capangpangan, dyTR News)
1 thought on “Lockdown Gipatuman sa Usa Ka Barangay sa Jagna, Bohol”