Congressman vs Governor?

Ang lalawigan sa Bohol gibahin sa tulo (3) ka Distrito ug adunay 47 ka lungsod ug usa ka syudad, Tagbilaran.
Hulagway nakuha sa Segundo Distrito diin gilubgan sa politikong Aumentado sukad pa sa dekada 70.

Atong tin-awon ang trabaho sa usa ka kongresista (legislative) ug gobernador/mayor (executive).

Ang congressman usa ka magbabalaod. Isip magbabalaod iyang trabaho ang pagpasa ug mga balaodnon mga makatabang sa iyang mga konstituwente. Siya nagrepresentar ug usa ka distrito.

Siyam (9) ka tuig ang kompletong termino sa usa ka kongresista ug makita iyang agi sa mga balaod nga mapasa nga makatabang sa mga tawo sa iyang distrito.

Kung kanunay natong makita siya nga nagbisita para sa mga proyekto nga gipangtukod unsa mày boot ipasabot niini?

“Mga 1/4 covered courts ug uban pang infra ang sagad natong makita. Ngano kaha?”

Pobre ug looy ang distrito kung ang kongresista kulang sa pagpakabana. Sanglit dunay access sa hard (para infra) ug soft (para livelihood/training etc) nga pondo, dinhi maila ang iyang pagbati sa mga tawo kung pila iyang gigahin pagtabang pagpalambo sa panginabuhian ug unsa pod nga balaodnon ang iyang giugmad nga makabenepisyo ang katawhan.

Ang Gobernador – Executive. Maoy magdumala sa padagan sa panggobyerno sa probinsiya mao nga kinahanglan siya mobisita ug makigkita sa mga tawo. Lahi ang trabaho sa gobernador ug congressman.

Ang gobernador tibook lalawigan kung itandi sa congressman nga usa ka distrito lamang ang iyang atimanon. Kung makasuroysuroy ang congressman pagpatukod ug mga 1/4 covered court ug uban pa, way rason nga dili siya makakita sa mga basic needs sa tawo sama sa tubig.

Sa 9 ka tuig nga pagsuroysuroy naatiman ba ang mga nag-unang panginahanglan sa katawhan? Natagaan ba’g sulbad ang kauhaw sa mga tawo?

Ang lider nga adunay kasing-kasing maoy makahatag sa tinuoray nga serbisyo. Ang nindot ug panglantaw ug may gugma sa katawhan maoy makahatag ug solbad sa mga sulirang atong giatubang.

Mao kini ang mga kaakohan sa lider nga atong tagaan pohon sa tahas sa paggiya kanato.

Ang pagbisita sa Gobernador sa kalain-laing suok sa probinsiya apil sa iyang trabaho ug dili pamolitika. Apan kung ang kongresista mosuroy gawas sa iyang distrito ngadto sa lain nga dili iyahang girepresentahan unsa may iyang tuyo? Klaro na kaayo kung siya gikabaniog nga modagan ug magpapili sa laing posisyon.Dunay mga nag-ingon, dagan Cong dagan. Salbara ang Bohol 2022!

Naunsa man diay ang Bohol? Unsa may salbaron? Ang iyang distrito maoy salbahon sa kapobrehon! (Contributed Opinion Article)

Leave a Comment

One thought on “Congressman vs Governor?

Leave a Reply