Babaye Mihigda sa Dalan Naligsan

Dimiao, Bohol – Patay ang usa ka ginang human na hit and run sa wala pa matinong sakyanan didto sa Barangay Sawang Dimiao pasado alas 11:30 sa gabie, Sabado (Mayo 29, 2021).

Patay ang biktima giila nga si Demitria Namuag, 51 anyos, minyo, taga brgy. Lapsaon, Dimiao.

Gitaho ni Police Staff Sergeant Dexter Alipala Dimiao police station nga ang biktima naligsan kini sa gidudahan nga four-wheel nga sakyanan human mihigda ang biktima sa tunga sa kalsada.

Dugang pa nga adunay problema kini sa pangisip.

Matud ni Alipala nga gideklara ni Dr. Enriqueto Asinas ang Infirmary physician sa lungsod nga patay sa hitaboan ang biktima human nakaangkon ug grabeng samad ug bun-og sa lawas. (Joshua Fullido, DYTR Bohol)