Breaking
Thu. Feb 22nd, 2024

Hasta ang mga Doctor Nakamatikod sa Isyung Di Mao

Cold storage facility sa lalawigan sa Bohol alang sa tanang matang sa Covid vaccine.

Bohol News Analysis:

Natinga sila nganong pakadak-ag maayo ang cold storage facility. Matud ni Dr. Yul Lopez, naay cold storage facility ang probinsiya sa Bohol para sa ubang vaccine ug ultra-cold storage sa Gallares Hospital para sa Pfizer vaccine. Wa ta mag-expect nga milyon-milyong doses sa vaccine ang moabot sa Bohol. Kon dunay Pfizer nga ihatag, naay mabutangan sa freezer sa Gallares Hospital.

Sa miting sa Regional Vaccine Operations Center, gipahibawo ang pag-abot na pod sa daghang Sinovac vaccine nga sayong gamiton ug sama kaepektibo. Kon dunay Pfizer, madawat kaayo kay naay freezer sa Gallares Hospital. Sila sa provincial ug regional operation center nagkatawa nganong gihimong isyu ang Pfizer vaccine ug cold storage. More than enough ang cold storage capacity sa probinsiya sa ubang vaccine ug naay sa Gallares Hospital kon mapiksan ang Bohol og Pfizer vaccine. Sa pagkakaron, prayoridad sa DOH ug IATF ang NCR plus, Cebu City ug Davao City.

With all due respect, matud ni Lopez, sila nga mga doktor ang makama-o aning dapita. Ang provincial government nag-focus sa mga bakunang daghan nga moabot ug sayon nga i-handle but of the same efficacy. Ang Pfizer dili mahimo nga si kinsa lang ang mo-inject. Kinahanglan niini ang specialized vaccinators nga bansay-bansayog maayo sa national government. Kay gikan sa negative 80 degrees Celsius, inig tangtang sa vaccine gikan sa freezer, tunawon ni siya or i-thaw sa English pa. Murag karne sa freezer nga pahumokon una, maghuwat. Dayon i-dilute o isagol ni siya sa espesyal nga solusyon ug balibalihon og kanapulo nga mainampingon. Naa gyoy specific instruction. Kon mauyog nig maayo, mohupas, maguba ang iyang efficacy. Very careful ang pag-handle sa Pfizer vaccine.

Matud ni Lopez, ang ilang sabot uban kang Dr. Mutya Kismet Tirol-Macuno mao nga ang Pfizer vaccination anha ra himoon sa Gallares Hospital tungod sa kadelikado sa paghandle sa maong bakuna. Ang panahon importante kaayo, Kay naay daghan ug sayon nga mga bakuna, kini maoy i-focus ilabina sa layong mga dapit. Apan wa kini magpasabot nga dili dawaton kon dunay Pfizer vaccine nga ihatag kay adunay freezer nga andam niini.

Nagsabot ang mga doktor ug dunay andam nga mga piniling personnel sa Gallares Hospital nga bansaybansayon para sa Pfizer vaccine. Puwede nga ang mo-train gikan sa kaulohan maoy moanhi sa Bohol.

Kanus-a ba gud nagpasagad ang atong mga doktor sa atong panglawas? Kada Lunes, magtigum ang BIATF, health ug medical cluster, apil ang Bohol Medical Society nilang Dr. Jeff Ong, si Dr. Macuno sa Gallares, College of Physicians nilang Dr. Kazan baluyot. Tanan ilang gituki, unsay mga prayoridad, panginahanglan, ug daghan pa. Ang desisyon dili kay iya ra sa gobernador. Dunay consensus sa BIATF. Wa gyod nahisgotan nga pakadak-an ang Pfizer. Ang focus mao ang pag-maximize sa vaccination gamit ang daghang anaa nga bakuna nga sayon.

Apan kanunayng gibikil ang probinsiya sa estoryang nga ang motibo mao ang pagguba sa gobernador. Hasta ang medical sector daw gipakawalay buot kay ang mga intrigador mas suweto na man hinuon kaysa doktor.

“Kining ilang pagbiay-biay, they are, in fact, insulting the medical doctors of Bohol,” matud ni Lopez. Dili lang si Gov. Art Yap apan “giapil mi nila sa pagbiay-biay tungod kay non-issue man gud ning Pfizer.” There is no question. Kon dunay Pfizer, anaa ang cold ultra-storage sa Gallares Hospital nga modawat niini. Ang Negros ug Siquijor way pasilidad nga ingon niini. Sa 29,000 doses sa Pfizer sa rehiyon, 15,000 ang gi-release sa Cebu. Kon ihurot og hatag sa Bohol ang nahibiling P14,000 doses, kaya ning isud sa usa lang ka butanganan sa ultra-low freezer sa Gallares Hospital.

Wa nagtamhang ang kagamhanan ug medical sector sa panglawas sa mga Bol-anon. Sa Rehiyon 7, numero uno gihapon ang Bohol sa vaccination accomplishment.

Lisud kon ang mobalita ug moestorya adunay “agenda,” matud sa doktor. Nidugang sa pag-apelar si Lopez:

“Ayaw iapil ninyo sa pamulitika ang panglawas sa katawhan. Muna-muna na namo sa ginhawa og kumbinsir ang atong kaigsoonan nga magpabakuna. The first available vaccine is the best vaccine ug unya ato gyong dawaton. Og pakadak-an nimo ang Pfizer, mura kag naghatag og false hope. Kay ang daghan sa mga vaccine nga moabot mao ang Synovac, AstraZeneca man gyod. Pangita lang mog laing estorya. We don’t deserve to be treated like this.” (Tinubdan: Ven Ribo Arigo FB)

Related Post

One thought on “Hasta ang mga Doctor Nakamatikod sa Isyung Di Mao”

Leave a Reply