2 ka Drug Pushers sa Tagbilaran Dakpan sa Kapolisan

Laing duha ka mga gitumbok
nga street level individual (SLI) gisikop sa mga operatiba sa Tagbilaran City Drug Enforcement Team (CDET) atol sa drug operation diha sa sityo, Catugasan Purok 5, sakop sa distrito sa Dampas ning siyudad sa Tagbilaran kapin sa 200 mil pesos ang kantidad ang nasakmit nga gituhuang shabu.

Giila sa pangu sa CDET Lt. Agosto Sumaylo ang mga dinakpan mao sila si Reedan Lopez alyas ‘Balot’ molopyo sa maong dapit ug kauban nga si Remon Martin Rex alyas ‘Toto’.

Sila giingong nasakmitan sa mga pinutos sa gituhuang shabu nga gibanabana nga motimbang sa 40 gramos nga may standard drug price nagkantidad sa 272,000.00 pesos.

Nasayran pasado alas 5:20 ka gahapon sa hapon ang mga operatiba sa CDET milusad ug buy bust operation batok sa duha ug nagmalampuson ang mg otoridad sa pagsikop sa mga durugista human nagpositibo nga matunol ang gamay’ng putos sa gituhuang shabu ngadto sa usa ka sakop sa operatiba CDET nga nagsilbing poseur buyer.

Gihulagway sa pangu sa CDET nga anaa sa watchlist ang duha ka mga dinakpan.

Kasong kalapasan sa sec. 5 ug 11 sa akta republika 9165 kon paghupot ug pagpamaligya sa illegal nga droga ang giandam nga masang at ngadto sa city procecutors office. CC (Tinubdan ning maong balita: Radio Station DYTr) Ang Tinuod Radyo sa Bohol